Sipas disa informatave të marra nga tereni lidhur me disa dyshime për armëmbajtje të paligjshme dhe të shtëna me armë, Policia e Kosovës konkretisht hetuesë policorë nga Drejtoria Rajonale e Policisë Kufitare “Perëndimi” në Gjakovë, pas një pune operativo -hetimore kanë zbuluar se bëhet fjalë për dy shtetas kosovar me iniciale Xh. M. viti i lindjes 1954 dhe Sh .R. viti i lindjes 1960 të cilët posedojnë armë dhe ato i mbajnë në stanet e tyre në brezin kufitar Kosovë –Shqipëri në vendin e quajtur Pllaçica e Junikut.

Sipas Policisë, me urdhër të Gjykatës kompetente, sot, në orët e hershme të mëngjesit është realizuar plani operativ i koduar “Bjeshka 2022”, është bërë bastisja në dy objekte në bjeshkën e Junikut dhe në të dy stanet janë gjetur: dy armë AK-47 (kallashnikovë), 25 copë fishek të kalibrit 7.62 mm dhe tre karikatorë për armë AK-47.

I dyshuari i parë Xh. M, pas intervistimit me urdhër të prokurorit të rastit është liruar në procedurë të rregullt, ndërsa i dyshuari i dytë nuk ka qenë prezent gjatë bastisjes dhe i njëjti është ftuar për interviste nga hetuesit kompetentë për procedurë të mëtejme,thuhet në njoftimin nga Policia e Kosovës./arbresh.info/